Isthintini (Stintino )

La mia poesia dedicata all’amato paese di Stintino.

Beddhu lu tempu di la Tunnara
candu lu Rais da la musciarra
dirigia li tunnarotti a pischà
tunni granfini e pesci ipada
pà priparà taci,surra musciammu
buttarigga,vintrescha e ischaturammu.

Li masthri d’ascia trattabani l’ascioru
la lima,la pianitta,lu sarraccu
a custhrui baschi di saurra e guzzetti
sandurini guzzi e ipagnuritti
li nansaiori cun guggella in legnu
intricciabani lu giuncu a priparà nansi cun inzegnu.

Oggi sei un cumuni marinu
cun alberghi risthuranti e villi a bagaglinu
li turisthi passani li feri
zischendi d’acciappà la pazi
pigliendi lu sori i l’ipiaggi
e, la sera a passiggià pà li carreri.

Magnendi l’ariusta d’Isthintini
lu poipu cun patatu ad insaradda
la cassora o lu pesciu arrusthu
passani una mimurabiri siradda
bibendi allegramenti birra o vinu
gudendisi una vidda ipinsieradda.

L’Isthintini è mirabigliosu
li turisthi senza assai pratesi
amani li biddhezi di chisthu paesi
augurendizi chi torriani un’asthrannu
pà visità lu bagaglinu,la pirosa tunnara
pazzona li sarini ed ezzi mannu.

Read Full Post »

La Pirosa di Isthintini

Cantu sei beddha ipiaggia La Pirosa
mannu rigaru di Mamma Natura
binidettu sia ca ha criaddu
la graziosa to’ marabigliosa figura

Cu lu mari caimmu e cristhallinu
cun chissa rena bianca e fini
chi piazeri z’ha fattu lu disthinu
dendizi una di li più beddhi marini

Lu prufummu di mustha e nibaru
di chessa, di rumasinu e d’attentu
si miscia a chiddhu di lu mari ciaru
candu da terra buffa poggu ventu

Sei beddha tuttu l’annu
ma, in chissi casdhi mesi
sei un donu mannu
pa’ tutti li turisthi e pa’ l’isthintinesi

Veggu l’Isura Piana, la torri di Faschoni e, aragunesa, in luntananzia l’Asinara
chi suivegliani cun rasgioni
chistha marabigliosa ipiaggia rara

Andeddi a visitalla, è troppu famosa
a lu mondu v’è soru eddha
ipiaggia di La Pirosa
chi è dugna dì più beddha.

Read Full Post »

La Pelosa di Stintino

Quanto sei bella spiaggia La Pelosa
grande regalo di Madre Natura
benedetto sia colui che ha creato
la graziosa tua meravigliosa figura

Col mare calmo e cristallino
con quella sabbia bianca e fine
che piacere ci ha fatto il destino
dandoci una delle più belle marine

Il profumo del mirto e del ginepro
del lentischio, del rosmarino e dell’assenzio
si mischia a quello del mare chiaro
quando da terra soffia un po’ di vento

Sei bella tutto l’anno
ma in quei caldi mesi
sei un dono grande
per tutti i turisti e per gli stintinesi

Vedo l’Isola piana,
la torre del Falcone e, aragonese, in lontananza l’Asinara
che, sorvegliano con ragione
questa meravigliosa spiaggia rara

Andate a visitarla che è molto famosa
al mondo c’è solo lei
spiaggia della Pelosa
che è ogni giorno più bella.

Read Full Post »

Asinara

Beddha impunenti affaccu a l’Isthintini
t’ipicci a mari Asinara
amadda terra da milli disthini
chi all’occi mei sei sempri più cara

Gandu gareri t’hani frabiggaddu
a Cara Riari e a Furreddhi
pa’ rizibì mafiosi bianchi e nieddhi
la puburazioni nosthra ha prutisthaddu

Oggi hani tancaddu li prisgioni
sei dibintadda un beddhu paschu sasdhu
pa’ Posthudorra è una bona occasioni
a sisthimatti primma chi sia tasdhu

Hai una costha ch’è una marabiglia
l’eba è ciara, si vedi lu fondu
la rena bianca e, girendimi in tondu
no m’ammentu loggu chi tiss’assumiglia

No hai soru lu mari umbè ciaru
vi so pianti di tutti li curori
fiori chi a videlli so’ un’amori
pa’ ammagliu di prufummu troppu raru

Hai pruschavi, mufroni e crabbitteddhi
una razza rara di pizoni
chi so’ da sempri in migrazioni
senza dimintiggà li bianchi aineddhi

Tastharughi e tusthoini ponini obi
cussì coibi marini e magroni
ipirendi chi in ghisthi tempi nobi
l’ommu l’impegnu sou sobra a te poni

Eu t’ammiru pa la to’ mannezia
no vogliu chi pa’ iffruttati sii disthrutta
bisogna sisthimà la to’ biddhezia
ipirendi chi no dibenti brutta

Oggi ti visiteggia lu turistha
ti vò vidè pa’ noba cunquistha
sei sempri pa’ noi troppu cara
più ti figgiuru più m’innammureggiu di te
Asinara.

Read Full Post »