Lamentu di lu ponti romanu
Da un saccu d’anni vengu abbandunaddu
senza chi mi si curia una frattura,
soggu vecciu ma si vengu midigaddu
no abaraggiu a fà brutta figura.
Pa lu traffigu chi sobra mè passaddu
la fozza mi ra dadda l’isthruttura
aggiu sufesthu senza subì dannu
tutti l’inundazioni di Riu Mannu.
E’ lu tempu chi m’ ha fattu d’usura,
e in parecci logghi soggu luguraddu,
si caschunu di me si piglia cura
e in poggu tempu vengu zappuraddu
Rippondaraggiu a ghissi mari affronti
fatti custhruendi a custhaggiu
astrhi dui ponti;
ponti fatti cun criteri nobi
si fara l’unda tutti e dui l’immobi.
Eu no soggu fendi lu bragoni,
visthu già sè lu risusthaddu
lu primmu chi hani posthu in funzioni
e puru lu sigundu s’è zinniaddu
Criendi dannu a la puburazioni
pa lu traffigu che isthaddu dibiaddu
più li figgiuru e più intendu l’affrontu
di gà l’ha fatti chi no m’ha resu contu
Eu sottu a li musthazzi mi la ridu
pa’ lu varori chi mi veni daddu
no vogliu ancora assè pigliaddu in giru
chi soggu beddhu e umbè futugraffaddu.
Si m’accunzeddi senza abbaiddà a ipesi
saraggiu d’attrazioni a li turisthi
e lu vantu di li posthudurresi.
—
Lamento del ponte romano
Da molti anni vengo abbandonato
senza che mi si curi una frattura,
sono vecchio, ma se vengo medicato
non farò brutta figura
Per il traffico che sopra mi è passato
la forza me l’ha data la struttura,
ho sofferto senza subire danno
tutte le inondazioni del Rio Mannu.
E’ il tempo mi ha fatto di usura
in parecchi posti sono logorato
se qualcuno di me si prende cura
e in poco tempo vengo rattoppato
Risponderò a quei cattivi affronti
fatti costruendomi affianco altri due ponti;
ponti costruiti con criteri nuovi
se scendi piena tutte e due li muovi.
Io non sto facendo lo spaccone,
visto si è il risultato
il primo che hanno messo in funzione
e pure il secondo si è incrinato
Creando danno alla popolazione
per il traffico che è stato deviato
più li guardo, più sento l’affronto
di chi li ha costruiti che non m’ha reso conto
Io sotto i baffi me la rido
per il valore che mi viene dato
non voglio ancora essere preso in giro
che sono bello e molto fotografato.
Se mi aggiustate senza guardare a spese
sarò l’attrazione ad i turisti
ed il vanto dei portotorresi.
Carlo "Caruru" Sedda 