Posthudorra sei beddha la sera
tutta puridda e illuminadda
da la luna curori di prata
da pizzinni giugghendi in carrera.
Hai millenni d’isthoria romana
cu la gesgia di Santu Bainzu
e i lu mollu la torri aragunesa.
Hai puru lu ponti romano
chi una vostha pusthaba a la Nurra
è un vantu e tutti lu sani
chi è lu ponti più antiggu chi v’è.
Hai una costha d’ipiaggi e di mari
tutta azzurra, curori di zeru
logghi beddhi chi a tutti so cari
chi a videlli no zi pari veru.
Pari tu una pizzinna vaggiana
eu t’ammiru girendi in carrera
cu la luna curori di prata
Posthudorra sei beddha la sera
Posthudorra no ti vogliu lassà.
Carlo "Caruru" Sedda 